لائبریری ہمارا تہذیبی و ثقافتی ورثہ ہے ۔مسلمانوں کی تاریخ درس و تدریس ،تعلیم و تحقیق اور قلم و کتاب پر مشتمل ہے ۔کوئی بھی ذی فہم کتاب کی اہمیت سے انکار نہیں کرسکتا ہے ۔دورِ حاضر مین انفارمیشن ٹیکنالوجی نے تشنگان ِ علم کو بتدریج کتاب سے دور کردیا ہے لیکن  یہ حقیقت اپنی جگہ قائم ہے کہ انفارمیشن ٹیکنالوجی کسی بھی صورت کتاب کا نعم البدل نہیں ہوسکتی کتاب ہی وہ اصل ذریعہ ہے جس کی معلومات پرانحصار کرکے مکمل  یقین   اوراعتماد سے بات کی جاسکتی ہے اور اسی کے پیشِ نظر مرکز تعلیم وتحقیق میں طلبہ اور عامۃ الناس کے استفادے کے لیے لائبریری کا قیام عمل میں لایا گیاہے اور مزید بہتر کرنےکی کوشش جاری ہے۔