الحمدللہ رب العلمین والصلوٰۃ والسلام علی رسولہ الامین امابعد:
واضح رہے کہ اگر کشف فاؤنڈیشن یا کوئی اور ادارہ واقعی قرض کے او پر نقد رقم فراہم کرتا ہے، اور اس پر اصل رقم سے زائد مشروط نفع وصول کرتا ہے،چاہے وہ قسطوں کی صورت میں ہو یاایک ساتھ تو ایسی زائد رقم شرعی اعتبار سے صریح سود (ربا) میں داخل ہے۔اگرچہ وہ اس زائد رقم کو “سود” کے بجائے:سروس چارج،مارک اپ،فیس،چارچیز ،ہیلتھ ،لائف انشورنس یا مرنےکےبعد معافی جیسے الفاظ سے تعبیر کریں، تب بھی اس کا اصل شرعی حکم سود ہی رہے گا۔
